• Русский
  • Тоҷики

Эълонҳо

Каримзода Акобир Изатулло, декани факултети биологияи ДМТ, доктори илмҳои биология, профессор
Каримзода Акобир Изатулло соли 1997 факултети биологияи Донишгоҳи давлатии Тоҷикистон (ҳозира Донишгоҳи миллии Тоҷикистон)-ро хатм намудааст. Солҳои 1992 – 2002 ба ҳайси перепаратор, мудири озмоишгоҳ, ассисенти кафедраи физиологияи одам ва ҳайвонот адои вазифа кардааст. Аз соли 2002 то соли 2008 сармутахассис, муовини сардори Раёсати маорифи шаҳри Душанбе ва баъдан то 2010 мутахассиси пешбари шуъбаи таъминоти ҳуқуқӣ ва кадрҳои Хадамоти давлатии назорат дар соҳаи маориф, мутахассиси пешбар, сармутахассиси Раёсати таҳсилоти томактабӣ ва миёнаи умумии Вазорати маориф ва илми Ҷумҳурии Тоҷикистон фаъолият намудааст.
А.И.Каримов солҳои 2010 дар вазифаҳои муовини декан оид ба тарбия, таълим, ассисент, муаллими калон ва иҷрокунандаи вазифаи дотсенти кафедраи физиологияи одам ва ҳайвонот кор намудааст.
Номбурда соли 2010 рисолаи номзадиашро бомуваффақият дифоъ намуд, олими ҷавону умедбахши соҳаи биология мебошад. Дар таълифу таҳияи китобҳои дарсӣ, васоити таълимӣ барои мактабҳои олӣ хизмати шоён кардааст. Бо қалами ӯ 1- китоби дарсӣ ва 6- васоити таълимию методӣ ба табъ расидааст:
1. Каримов А.И., Устоев М.Б. Дастури методӣ аз фанни «Анатомияи одам». – Душанбе: Нашриёти ДМТ. – 2011. – 48 с. Ин дастур мутобиқи барномаҳои таълимии Донишгоҳи миллии Тоҷикистон таълиф ёфтаааст ва ҷавобгӯйи ҳадди аққали Стандарти давлатӣ доир ба таълими олии касбии Ҷумҳурии Тоҷикистон мебошад. Дар он: 1) мақсад ва вазифаҳои фан; 2) барномаи кори дарс ва маҷмуи саволномаҳою истилоҳот заруриро дарбар мегирад. Дастур ба шогирдони ихтисосҳои биологияи донишгоҳҳо тавсия карда мешавад.
2. Каримов А.И.,Устоев М.Б., Азонов Ҷ.А. Дастури методӣ аз фанни «Физиологияи ғизо». – Душанбе: Нашриёти ВМҶТ. – 2014. – 63 с. – Мувофиқи нақша маҷмӯъ аз се қисм: 1) мақсад ва вазифаҳои фан; 2) барномаи кори дарса силабус; 3) саволномаҳои тестӣ ва истилоҳоти зарурӣ иборат мебошад. Дастур барои аз худ намудани фанни биология барои донишҷуёни факултети биология кафедраи физиологияи одам ва ҳайвонот мувофиқ буда, дониши онҳоро муккамал месозад.
3. Каримов А.И. Дастури методӣ аз фанни «Физиологияи синнусолӣ». – Душанбе: Нашриёти ВМҶТ. – 2015. – 47 с. Дар ин дастур барномаи корӣ, маҷмӯи саволномаҳои тестӣ бо ҷавобҳо, рӯйхати адабиётҳо оварда шудаанд, ки барои донишҷӯёни факултети биология хело манфиат овар мебошад.
4. Каримов А.И., Давлатов О.М. Дастури методӣ аз фанни «Экологияи ҳайвонот». – Душанбе: Матбааи ВМҶТ. – 2016. –103 с. – Дар ин дастур аломатҳои эзоҳдиҳанда, мақсад ва омӯзиши фан, барномаи кории дарс, тавсияҳои методию амалӣ, саволномаҳои дарсӣ ва тестӣ, шарҳи мухтасари баъзе истилоҳот ва рӯйхати адабиётҳои асосию иловагӣ оварда шудааст. Донишҷӯён бо истифодаи ин дастури методӣ мақсади мавзӯъ, сохт ва тарзи ҳайётбарии ҳайвонот омӯхта, иҷрои корҳои мустаҳқилонаро аз худ менамояд.
5. Каримов А.И., Азонов Ҷ.А. Китоби дарсӣ «Физиологияи ғизо». – Душанбе: Матбааи ВМҶТ. – 2016. – 218 с. Дар ин китоб 14 боб оварда шудааст, ки ҳар кадомашон аз зермавзӯъҳо иборат мебошанд, ки барои донишҷӯёни мактабҳои олии ҷумҳурӣ пешбини шудааст. Вобаста ба бобҳо мавзӯъҳои кори курсӣ ва рефератҳо дарҷ гардидааст. Дар қисми охираш маҷмӯаи саволномаҳои тестӣ бо ҷавобҳояш, истилоҳотҳои зарурӣ ва рӯйхати адабиётҳо оварда шудааст, ки барои донишҷӯён хело мувофиқ мебошад.
А.И.Каримов, ки аз соли 2010 инҷониб дар донишгоҳ кор мекунад ва дар тайёр намудани кадрҳои илмию омӯзгорӣ саҳми босазое гузоштааст. Ӯ барои соҳиби унвони илмӣ шудани ҷавонони пурлаёқат ҳамавақт дасти ёрӣ дароз менамоянд.
А.И.Каримов дар корҳои ҷамъиятии донишгоҳ фаъолона иштирок мекунад, ӯ аз соли 2010 ассистент, муаллими калон, и.в. дотсенти кафедраи физиологияи одам ва ҳайвонот, муовини декан оид ба тарбия, таълим ва аз феврали 2015 то ҳол декании факултетро ба уҳда дорад. Аз соли 2010 то 2015 аъзои Шӯрои олимон ва аз феврали 2015 раиси Шӯрои олимони факултети биология мебошад.
Телефон: 919-41-64-72
E-mail:< karimov.akobir@inbox.ru

Бобокалонов Ҷамолиддин Муроталиевич н.и.б., муаллими калони кафедраи ботаникаи факултети биологияи Донишгоҳи миллии Тоҷикистон. Бобокалонов Ҷ.М. соли 2005 ба факултети биологияи Донишгоҳи давлатии миллии Тоҷикистон дохил шуда, онро соли 2011 бо муваффақият хатм намуд. Ҳамон сол ҳамчун ассистенти кафедраи ботаника ба кор шурӯъ намуда, ба шуъбаи ғоибонаи аспирантураи донишгоҳи мазкур дохил шудааст. Соли 2018 рисолаи номзадиашро дар мавзӯи «Морфологическая структура и устойчивость развития листьев Platanus orientalis L. в условиях техногенного загрязнения Гиссарской долины (Таджикистан)» дифоъ намудааст. То имрўз корҳои илмиаш идома доранд. Бобокалонов Ҷ.М. соли 2013 дар базаи Донишгоҳи давлатии Бошқирдистон усулҳои гуногуни онтогенетикиро аз худ намуда, савияи дониши худро баланд бардоштааст. Аъзои Шӯрои олимони факултети биология буда, солҳои 2012-2016 роҳбарии танзими анъана ва ҷашну маросимҳоро ба ўҳда дошт. Ҳамзамон сарпарастии гурўҳи акдемиро ба ўҳда дошта, аз соли 2016 то ин ҷониб вазифаи муовини декан оид ба таълимро ба ўҳда дорад. Барои донишҷӯёни факултети биология дарсҳои лабораторӣ аз курсҳои тахассусӣ, фанҳои анатомияи ва морфологияи растаниҳо, систематикаи растаниҳо, таҷрибаомӯзии калон ва дар факултети фарматсевтӣ, биология аз курси умумии ботаника лексия мехонад. Лексияҳои ӯ аз ҷиҳати илмӣ-методӣ оммафаҳм мебошанд. Дар корҳои илмӣ-методӣ фаъолона ширкат меварзад. Дар конференсияҳои илмии минтақавӣ, ҷумҳуриявӣ ва байналхалқӣ маводҳои илмиаш чоп шудааст. То ҳол 23 мақолаву фишурдаҳои илмиаш ба ҳамагон маълум аст. Бобокалонов Ҷ.М. дар навиштану таҳия намудани китобҳои дарсӣ, воситаҳои таълимӣ ва барномаҳо барои мактабҳои олӣ ва муассисаҳои таҳсилоти миёнаи умумӣ низ ширкат меварзад. Дар таҳия ва нашри дастурҳои таълимию методии «Летняя учебно-полевая практика по ботанике», «Основы цветоводства. Методическое пособие для специализированного курса» ки бо забони русӣ аз чоп баромадаанд, ҳаммуаллиф мебошад. Бо шарофати корҳои илмӣ-педагогӣ ва ҷамъиятии пурмаҳсулаш Бобокалонов Ҷ.М. байни устодон, кормандон ва донишҷӯёни факултети биология ва донишгоҳ обрӯи хосса дорад.

Кароматулллои Қурбонали. Ассистенти кафедраи ботаника. Ихтисосаш биолог. Соли 2015 ДМТ-ро хатм кардааст. Аз фанҳои «Ботаника», «Экологияи растаниҳо», «Асосҳои набототшиносӣ», «Захираҳои наботот» дарс мегузарад. 1 марти соли 1993 дар н. Ш. Шоҳин (Шурообод) таваллуд шудааст. Собиқаи кории педагогиаш 5 солро ташкил медиҳад. Мавзуъи кори илмиаш: «Растанҳои водии дарёи Ширкент» мебошад. Муаллифи 4 мақолаи илмӣ аст. Чонишини декани оид ба тарбияро дар факултетр ба уҳда дорад.


Фаъолияти муовини декан оид ба тарбия дар соли таҳсили 2019

Фаъолияти тарбиявии факултет мувофиқи низомнома ҳамасола аз рӯи нақша-чорабиниҳои аз тарафи ноиби ректори Донишгоҳ оид ба корҳои тарбиявӣ Раҳмонова ҷ. тасдиқ гардида, аз рӯйи он амалӣ мегардад.
Ҷонишини декан оид ба корҳои тарбиявӣ дар асоси Оиннома ва низомномаи Донишгоҳи миллии Тоҷикистон амал намуда, дар фаъолияти кории худ меъёрҳои амалкунандаи ҳуқуқӣ, фармонҳои ректор ва фармоишҳои муовини ректор оид ба тарбияро ба роҳбарӣ мегирад. Инчунин тамоми масъалаҳое, ки ба тарбия алоқамандӣ доранд, дар фаъолияти худ ба роҳбарӣ гирифта, танзимкунандаи муносибатҳо дар ин самт ба ҳисоб меравад.
Самтҳои асосии фаъолияти тарбия дар факултет чунинанд: а) Кор бо кураторони гурӯҳҳои академӣ.
б) Кор бо Шӯрои занон ва духтарон.
в) Кор бо созмонҳои ҷамъиятӣ.
г) Кор бо донишҷӯёни тибқи Квотаи президентӣ таҳсил дошта.
ғ) Кор бо донишҷӯёни дар хобгоҳ истиқоматдошта.
д) Кор бо Шӯрои падау модарон (волидон)
е) Кор бо раиси танзими анъана ва ҷашну маросимҳо Шӯрои кураторон

Дар нимсолаи соли таҳсили 2019 дар факултет 20-гурӯҳи академӣ ва дар соли нимсолаи дуюми соли 2019 31 гурӯҳи академӣ мавҷуд буда, сарварии аксари гурӯҳҳоро устодони ҷавон ба ӯҳда доранд. Раисии Шӯрои кураторонро бошад, ассистенти кафедраи физиологияи одам ва ҳайвонот ғаюбов Р.Б. роҳбарӣ менамояд. Бояд қайд намуд, ки ҳар як сарпарасти гурӯҳ барномаи кории дарсҳои тарбиявӣ ва нақша-чорабиниҳои хешро дошта, он аз ҷониби муовини декан оид ба корҳои тарбиявӣ ва раиси Шӯрои кураторон тасдиқ гардида, мувофиқи он амал мекунанд. Шӯрои кураторон дар муштарак бо муовини декан оид ба тарбия моҳе як маротиба ҷаласа гузаронида, дар он масоили муҳим ва проблемаҳои ҷойдоштае, ки марбут ба тарбия мебошанд, баррасӣ намуда, қарорҳои дахлдорро қабул менамоянд. Оид ба масъалаҳои мубрами руз ва фармону супоришҳои Вазорати маориф ва илми ҷумҳурии Тоҷикистон, Раёсати донишгоҳ ва факултет сари вақт дар гурӯҳҳо сарпарастон дарсҳо гузаронида суратҷаласаҳо омода менамоянд. Дар соли таҳсили 2019 дар гурӯҳҳои академӣ аз тарафи сарпарастон оид ба терроризм ва экстремизм, ВНМО, Амалҳои корупсионӣ ва дигар масҳалаҳои доғи рӯз дарсҳо гузаронида суратҷаласаҳо омода карда шудааст. Кор бо созмонҳои ҷамъиятии факултет

Ба ин созмонҳо-созмони ҷавонон, иттифоқи касабаи донишҷӯён шомил буда, дар пешрафти корҳои тарбиявӣ саҳмгузор мебошанд. ҳамаи онҳо нақшаҳои кории худро доранд, ки дар аввали соли хониш дар мувофиқа бо садорати факултет ва Раиси Созмони ҷавонон, Иттифоқи касабаи донишҷӯёни донишгоҳ тасдиқ карда шудааст ва аз рӯйи он амал мекунанд. ҳар як созмон раис ва ҳар як гурӯҳи академӣ аъзоёни худро дошта, моҳе як маротиба бо иштироки муовини декан оид ба корҳои тарбиявӣ ва раиси Шӯрои кураторон ҷаласа гузаронида мешавад. қайд намудан ба маврид аст, ки саҳми ин созмонҳо дар гузаронидани ҷашнҳои миллӣ ва чорабиниҳои характери фарҳангию ахлоқӣ ва сиёсӣ дошта, хеле калон аст. Дар соли таҳсили 2019 созмони ҷавонон ва иттифоқи касабаи донишҷӯён моҳе як маротиба ҷамомад баргузор намуда оид ба донишҷӯёни ятим ва бепарастор, типқи квотаи президенти таҳсилкунанда, бемор, ва донишҷӯёни дар хобгоҳҳои донишгоҳ зиндагикунанда суҳбатҳо намуда аз вазъи зиндагонии онҳо бохабар шуданд.
Кор бо Шӯрои падару модарон

Шӯрои ассотсиатсияи волидон дар асоси оиннома ва нақша-чорабиниҳо дар мувофиқа бо садорати факултет ва шуъбаи тарбия фаъолияти худро ба роҳ монда, дорои 31-аъзо буда, сарварии онро ассистенти кафедраи зоология Давлатов О.М. ба зимма доранд. Шӯро дар соли 2019 таҳсил 8- маротиба бо аъзоён ва 3- маротиба якҷоя бо садорати факултет ҷаласаи васеъ бо иштироки волидони донишҷӯёни курсҳои 1-ум гузаронидааст. Дар ҷамомад 160 нафар волидон иштирок намуда оид ба масалаҳои тартибу интизом, ва қонуни ҷумҳурии Тоҷикистон дар бораи «Масъулияти падару модар дар таълиму тарбияи фарзанд» суханронӣ карда шуд.

Кор бо раиси танзими анъана ва ҷашну маросимҳо

Комиссияи ҷамъиятии танзими анъана ва ҷашну маросимҳо дар факултети биология дар асоси низомнома ва нақшаи корӣ амал намуда, дар соли хониши 2019 як қатор корҳоро ба анҷом расонид.

Дар ҳамкорӣ бо Аъзоёни комиссия, Шӯрои кураторон ва созмонҳои ҷамъиятии факултет дар гурӯҳҳои академӣ вохӯриҳо ташкил карда шуд. Ба донишҷӯёни курсҳои якум тамоми талаботҳо ва тағйиротҳои қонуни ҷумҳурии Тоҷикистон «Дар бораи танзими анъана ва ҷашну маросимҳо дар ҷумҳурии Тоҷикистон» фаҳмонида дода шуд. Дар сӯҳбатҳои доиргардида, махсусан моддаҳои 8 (зодрӯз) ва 10 (тӯйи домодию арӯсӣ), бештар мавриди муҳокима қарор гирифт. Дар соли хониши 2019 устодону донишҷӯён тӯйи хонадоршавии фарзандонашон, маъракаву маросимҳо доир намуданд, ки тамоми талаботҳои қонуни ҷумҳурии Тоҷикистон риоя карда шуд. Барои мисол 16.02.2019 тӯйи арусии донишҷӯи курси сеюми ихтисоси биология Бобоева З ва дар таърихи 19.02.2019 тӯйи арусии донишҷӯи курси сеюми ихтисоси биология Мунисаи Н. баргузор гардид, ки ҳамаи талаботҳои қонуни мазкур риоя гардида аз ягон мақомотҳои дахлдор эрод нагирифтаанд. Инчунин дар таърихи 24.03.2019. Наврӯзи байналмилалиро устодон дар факултет қайд намуданд.
Намояндагони комиссияи ҷамъиятии танзими анъана ва ҷашну маросимҳо дар факултети биология ҷараёни баргузории маъракаҳоро назорат намудаанд ва дар як соли хониши сипаришуда як қонуншиканӣ ба қайд гирифта шудааст. Донишҷӯёни курси сеюми ихтисоси биология гурӯҳи тоҷикӣ дар санаи 07.03.2019 дар кохи Наврӯз иди «Модар» – ро қайд намуданд.

Кор бо Раиси Шӯрои занон ва духтарон

Нақшаи кории занон ва духтарони факултети биология аз тарафи Раиси Шӯрои занон ва духтарони донишгоҳ дар мувофиқа бо садорати факултет тасдиқ карда шуда, мувофиқи он амал мекунанд.

Дар факултет 35-нафар кормандоро занону духтарон ташкил менамоянд, ки аз ин миқдор ҳоло 5-нафари онҳо дар рухсатии нигоҳубини кӯдак мебошанд. Дар факултет 1 – нафар зан, академики Академияи илмхои ҷумҳурии Тоҷикистон, 2–нафар доктори илмҳои биология, 5-нафар номзади илмҳои биология, 9-нафар ассистент ва 17–нафар кормандони техникӣ фаъолият менамоянд.
Дар соли хониши 2019 дар шӯъбаи рӯзонаи факултет 265 – нафар ва дар шӯъбаи ғоибона 469 –нафар донишчӯдухтарон тахсил мекунанд. Аз ин микдор 27-нафар тибки квотаи Президенти тахсил менамоянд. 5-нафар ятими кулл 2- нафар маъюби гурӯҳи 1-ум, 2-нафар, маъюби гурӯҳи 2-юм: Дар давоми соли хониши 2019 тибқи фармону супоришхои раёсати донишгоҳ ва нақшаи корӣ корҳо ба анҷом расонида шудааст. Донишҷӯёни тибқи квотаи президенти таҳсилкунанда
Дар факултети биология дар соли таҳсили 2019, 34 нафар донишҷӯён тибқи квотаи Призидентӣ таҳсил менамоянд. Аз ин шумора 27 нафарашонро духтар ва 7 нафарашонро писарон ташкил медиҳад. Дар давоми соли таҳсили 2019 5 маротиба дар ҳар гурӯҳи академӣ ва 1 маротиба дар умум бо донишҷӯёне, ки тибқи квотаи президенти таҳсил мекунанд суҳбатҳо намуда аз шароити хониш ва зиндагии онҳ бохабар шудем. қайд кардан ба маврид ҳаст, ки ҳангоми суҳбат ва назорати донишҷӯёни типқи квотаи Президентӣ таҳсилкунанда мушоҳида карда шуд, ки онҳо саривақт ба дарсҳо ҳозир шуда давомоташон хело хуб аст.
Мувофиқи ҷадвали тасдиқкардашуда мунтазам аз аҳволи зиндагонии донишҷӯён аз ҷӯмла донишҷӯёни тибқи квотаи президенти таҳсилкунанда шинос шудам. Дар хобгоҳи №7-и донишҷӯёни ДМТ, ки махсус барои донишҷӯдухтарони тибқи квотаи Президнтӣ таҳсилкунанда муҳаё шудааст 8 нафар, дар хобгоҳи №6-и ДМТ 6 нафар донишҷӯёни тибқи квота таҳсилкунанда зиндагӣ менамоянд. Инчунин 1 нафар донишҷӯдухтари факултет ки тибқи квотаи Президентӣ аз ноҳияи Мурғоб ба таҳсил фаро гирифта шудааст дар хобгоҳи Сарвар, ки воқеъ дар хиёбони Рӯдакӣ Хобгоҳи сарвар 149 мавҷуд аст ба ҷои зист таъмин карда шудааст.

Кор бо донишҷӯёни дар хобгоҳ истиқоматдошта

Кор бо донишҷӯёни дар хобгоҳ истиқоматкунанда, низ яке аз самтҳои муҳими фаъолияти тарбиявӣ ба ҳисоб меравад. Бинобар ин дар факултет ҷадвали навбатдории устодон дар хобгоҳҳои донишгоҳ дар мувофиқа бо Раиси иттифоқи касабаи устодону кормандон ва декани факултет тасдиқ ва дастрасии ҳамаи мудирони кафедраҳо гардонида шудааст, ки мувофиқи он устодони марбутаи кафедраҳо дар хобгоҳҳо навбатдорӣ мекунанд. Мунтазам аз ҷониби ҷонишини декан оид ба тарбия ин ҷадвали навбатдорӣ ва рафти иҷроиши он назорат карда шуда, охири ҳар моҳ аз онҳо гузориши хаттӣ талаб карда мешавад. Аз миқдори умумии донишҷӯ, 85-нафари онҳо дар хобгоҳҳои донишгоҳ, аз ҷумла: 9-нафар дар хобгоҳи №1, 11-нафар дар хобгоҳи №7, 2-нафар дар хобгоҳи №5, 63-нафар дар хобгоҳи №6, ва 2 нафар дар хобгоҳи Сарвар истиқомат мекунанд.

Мувофиқи нақшаи корӣ дар нимсолаи соли таҳсил чунин корҳо ба сомон расонида шудаанд:

-санаи 16.02.2019 мувофиқи нақшачорабиниҳо 35 нафар донишҷӯёнро баҳри тамошои силсила намоишҳои ҷолибу шавқангез ба Театри давлатии академии драмавии ба номи А.Лоҳутӣ сафарбар намудем.
-санаи 20.02.2019 дар асоси чорабиниҳои муовини декан оид ба тарбия чорабини оид ба пешгирии ВНМО/БПНМО аз ҷониби усдоди факултети тиббӣ Соҳибова Сайёра гузаронида шуд. Дар чорабинии мазкур устодону кормандон ва 90 нафар донишҷӯён иштирок намуданд.
-санаи 22.02.2019 мувофиқи фармони Вазорати маориф ва илми ҷумҳурии Тоҷикисон ва супориши раёсати донишгоҳ баҳри таҷлили сазовори ҷашни 25-солагии Рӯзи қувваҳои мусаллаҳи ҷумҳурии Тоҷикистон, ва тарбияи ҷавонон дар руҳияи ватанпарастию арзишҳои миллӣ вохӯри бо намояндагони сохторҳои қудрати ташкил карда шуд. Дар ҷамомад устодони кафедраи ҳарбӣ, полковник Шукуров Рустам, подполковник Абдуллоев Абдусамад, н.и.т. дотсент Шарофуддинов С. ва раиси Шӯрои кураторони ДМТ Ашуров Илҳомиддин ширкат намуда, дар мавзӯҳои «Артиши миллӣ ва ташкилёбии он», «Артиши миллӣ-мактаби мардонагӣ», «Нақши Артиши миллӣ дар таҳкими сулҳу осоиштагӣ», «Аҳамият ва нақши Артиши миллӣ дар баланд бардоштани худшиносии миллии ҷавонон» баромад намуданд. Дар толор зиёда аз 100 нафар устодону донишҷӯён иштирок карда, меҳмонро бо ҷашни касбиашон табрик намуданд ва байни донишҷӯёну меҳмонон суолу ҷавоб сурат гирифт.
Ҳамзамон дар назди даромадгоҳи бинои факултет ба мунсоибати Иди Артиши миллӣ овеза насб карда шуда буд. -санаи 24.02.2019 то 25.03.2019 мувофиқи дастуру супоришҳои Вазорати маориф ва илми ҷумҳурии Тоҷикистон, супориши ректори Донишгоҳи миллии Тоҷикистон баҳри дар сатҳи баланд баргузор гардидани ҷашни «Наврӯз» 25 нафар донишҷӯдухтарро ба рорҳпаймои мусоидат намудем. Донишҷӯдухтарони факултет баҳри дар сатҳи баланд гузаронидани ҷашни «Наврӯз» кушиш намуда фаъолона иштирок намудан.
-санаи 03.03.2019 ва 04.03.2019 баҳри ободу зебо гардонидани пойтахти кишвар шаҳри Душанбе, тибқи супориши ректори ДМТ бо иштироки устодон, кормандон ва донишҷӯён шанбегӣ дар назди хобгоҳи №6-и донишҷӯёни ДМТ гузаронида шуд.
-санаи 7.03.2019 дар асоси нақша–чорабиниҳои факултети биология, бахшида ба рӯзи «Бонувон» чорабинӣ баргузор гардид. ҳамзамон дар назди даромадгоҳи бинои факултет ба муносибати Иди Модарон овеза насб карда шуда буд.
-санаи 22.03.2019 семинари илмӣ-назариявӣ бахшида ба Даҳсолаи нави байналмиллалии амал «Об барои рушди устувор» дар солҳои 2018-2028 баргузор гардид. Дар семинари мазкур ҳайати устодону донишҷӯёни факултет ва зиёда аз 50-нафар донишҷӯён ширкат намуданд.
қобили зикр аст, ки оид ба ин масъала шиору овезаҳо дар даромадгоҳи бинои таълимӣ овехта шудааст.
-санаи 31.03.2019 вобаста ба иҷрои нақша чорабиниҳои раёсати донишгоҳ баҳри гаштугозир намудани ҷавонон дар боғҳо, кучаю хиёбонҳо ва дуруст истифода бурдан аз боғҳои миллию фарҳангӣ ва тарбияи дуруст гирифтан дар ин равад 15 писар ва 15 духтар ба боғи фарҳангию фароғатии ҷавонон баҳри тарбияи маънавию ахлоқӣ пешниҳод карда шуд.
-санаи 06.04.2019 вобаста ба пешниҳоди ректори донишгоҳ дар вохӯрӣ бо Сардори Раёсати корҳои дохилии шаҳри Душанбе, оид ба «Мубориза бар зиди терорризм ва экстремизм» ҷамомади васеъ бо иштироки устодону донишҷӯён баргузор гардид. Дар ҷамомади мазкур, Саидов ҳафизулло нозири калони хадамоти ноболиғони назди ВКД ва Давлатов Мардихудо роҳбари гурӯҳи ҷавонони авангарди назди ВКД суханронӣ намуданд.
-санаи 08.04.19 то 13.04.19 бо иштироки 25-нафар донишҷӯёни дружинаҳои ихтиёрии факултет ба РВКД дар ноҳияи Сино буда ташриф оварда бо мутасадиёни ин ниҳод, редҳои муштарак оид ба қоидвайронкунии ҷавонон, ноболиғон гузаронида шуд.
-санаи 7.05.2019 дар асоси нақша–чорабиниҳои факултет, бахшида ба рӯзи 9-май «Иди Fалаба» чорабинӣ баргузор гардид.
Дар чорабинӣ декани факултет дотсент Каримов А.И., професори кафедраи зоология қодиров А.ҳ., баромад намуданд. Дар толор зиёда аз 70 нафар устодону донишҷӯён иштирок доштанд. ҳамзамон дар назди даромадгоҳи бинои факултет ба муносибати Иди Fалаба овеза насб карда шуда буд.
-санаи 04.05.2019 Мувофиқи нақша чорабиниҳо санаи 04.05.2019, гурӯҳи устодон бо роҳбарии декани факултет, Каримов А.И., муовини декан оид ба тарбия Кароматуллои қ., ба хобгоҳи №6 рафта аз вазъи зиндагии донишҷӯён огоҳи пайдо намудем. Аслан донишҷӯдухтарони факултет дар ошиёнаҳои 2-3 ва донишҷӯписарон дар ошиёнаи 3 ва қисми зиёдашон дар ошиёнаи 8-9 зиндагӣ менамоянд. Гурӯҳи устодон азҷумла декани факултет аз тозагии ҳуҷраҳои донишҷӯён назар намуда ба онҳо ҷиҳати боз ҳам дар сатҳи олӣ ва тоза нигоҳдории ҳуҷраҳои истиқомати супоришу маслиҳатҳо дод. Баъдан бо донишҷӯён дар саҳни бинои хобгоҳ ҷамомади васеъ баргузор гардид. Дар ин ҷамомад декани факултет Кариммов А.И. оид ба масъалаи таълиму тарбия, шомил нашудан ба ҳизбу ҳаракатҳои гуногун, доштани рузаи моҳи шарифи «Рамазон» мувофиқи шароит, саривақт дохил шудан ба бинои хобгоҳ мувофиқи ҷадвали тартибдодашудаи раёсати донишгоҳ, суҳбатҳо намуд.
Сипас қоидаҳои тартиботи дохилии хобгоҳ ба донишҷӯён фаҳмонида баҳри дар сатҳи баланд зиндагони намудани онҳо мувафақиятҳо орзу намуд.
-санаи 27.05.2019 мувофиқи дастури шифоҳии шуъбаи тарбия 20 нафар донишҷӯён ба боғи фарҳангию фароғатии «ҷавонон» мусоидат карда шуд.
-санаи 16.07.2019 – 09.09.2018 бахшида ба 28-умин солгарди Истиқлолияти давлатии ҷумҳурии Тоҷикистон бо иштироки 40 нафар донишҷӯдухтарон барои баргузор намудани барномаи фарҳанги фароғатӣ дар роҳпаймои иштирок намуда ҷашни мазкуро бо тантана истиқбол гирифтем.
-санаи 22.08.2019 – 27.08.19 ба донишҷӯёне, ки дар шаҳри душанбе ҷои истиқомат надоштан ба ҷои зист дар хобгоҳҳои ДМТ таъмин намудем.
-санаи 01.09.2019 баромади Асосгузори сулҳу ваҳдати мили Пешвои миллат, Президенти ҷумҳурии Тоҷикистон муҳтарам Эмомалӣ Раҳмон оид ба «Рӯзи Дониш» дар толори бинои таълимӣ бо ҳамроҳии устодону донишҷӯён шунида шуд.
-санаи 07.09.2018 оид ба ҷашни «28 – умин солгарди Истиқлолияти давлатии ҷТ» дар бинои таълими чорабини баргузор гардида дар он дотсенти факултети таърих Шарофуддинов С. дар мавзӯи «таърихи бадаст омадани истиқлолият тоҷикон» баромад намуд.
-санаи 20.09.2018 оид ба зарари нушокиҳои спиртӣ ва маводи мухаддир, риояи либосҳои тавсиявии хонандагон, истифода набурдани телефонҳои мобилӣ ва ба воситаи автомошинаи шахсӣ наомадани донишҷӯён ба Донишгоҳ бо донишҷӯён сӯҳбат гузаронида шуд.
-санаи 06.10.2018 донишҷӯёни факултет оид ба «Иди муаллимон» чорабиние омода намуданд, ки саршор аз меҳри падаронаи муаллим дарак медод. Дар ин чорабини устодони собиқадорро донишҷӯё бо шеърҳои пурмазмун ва суханони волои тоҷикона табрик намуданд.
-санаи 22.11.2018 Бахшида ба рузи Конститутсияи ҷумҳурии Тоҷикистон, рузи Президент ва рузи Парчами давлатии ҷумҳурии Тоҷикистон намоиши фарҳангӣ аз ҷониби донишҷуён гузаронида шуд.
-санаи 24.11.2018 баҳри ҷашн гирифтани «Рӯзи Парчами давлатӣ» ҷумҳурии тоҷикистон бо ҳамроҳии 50 нафар донишҷӯён ба саҳни боғи парчами давлатии ҷумҳурии Тоҷикистон раҳсипор шуда Рӯзи Парчами давлатро бо ҳиси ватандорию худшиносӣ ҷашн гирифтем.

Рейдҳо

Барои назорати давомот ва сару либоси донишҷӯён дар нимсолаи дуюми таҳсил мувофиқи супориши муовини ректор оид ба тарбия дар якҷоягӣ бо намояндагони раёсати донишгоҳ рейдҳо гузаронида шуд. Таҳлилҳо нишон доданд, ки дар соли таҳсили 2019 аз факултети биология ягон нафар донишҷӯ ва коргар бесару либос ба бинои таълимӣ ворид нашуда ва дар дафтари бақайдгирии шуъбаи тарбия ному насаби онҳо дарҷ нагаштааст.
Нақша-чорабиниҳо ҷиҳати дар амал татбиқ намудани дастуру супоришҳои Асосгузори сулҳу Ваҳдати миллӣ, Пешвои миллат, Президенти ҷумҳурии Тоҷикстон муҳтарам Эмомалӣ Раҳмон
Ба ҳамагон маълум аст, ки ҳамасола Паёми Президенти ҷумҳурии Тоҷикистон Эмомалӣ Раҳмон ба Маҷлиси Олӣ дар бораи самтҳои асосии сиёсати дохилӣ ва хориҷии ҷумҳурии Тоҷикистон баррасӣ мегардад.
Дар асоси нақша-чорабиниҳо оид ба дар амал татбиқ намудани дастуру супоришҳои Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон дар гурӯҳҳои академии факултет корҳои зерин ба сомон расонида шудаанд:
-дар тамоми гурӯҳҳои академии факултет ҷиҳати иҷроиши Паёми Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон нақша-чорабиниҳо тартиб дода, сарпарастони масъул тибқи он фаъолият намуда истодаанд;
-тамоми сарпарастони гурӯҳҳои академӣ дар гурӯҳҳои худ оид ба Паёми Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон маҷлис гузаронида, паҳлуҳои гуногуни Паёми имсола, аз он ҷумла нишондодҳои ӯро ҷиҳати рушди соҳаи маориф ва илм дар ҷумҳурӣ, ба донишҷӯён фаҳмонидаанд.
-дар роҳравҳо ва ошёнаҳои факултет аз Паёми Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон иқтибосҳо овезон карда шудаанд. ҳамин тариқ дар факултети биология донишҷӯёнро сарпарастони гурӯҳҳои академӣ дар рӯҳияи тарбияи: ғоявӣ, миллӣ, хештаншиносӣ ва худогоҳӣ, Ватанпарастӣ, ахлоқӣ, ҳуқуқӣ, гуманистӣ, зебоипарастӣ, иқтисодӣ, экологӣ, сиёсӣ, масъулиятшиносӣ, ҳаёти солим ва ғайра тарбия мекунанд.
Фаъолияти тарбиявии факултет тибқи нақшаи тасдиқгардидаи раёсати Донишгоҳ амалӣ гашта, ҳамаи бандҳои он иҷро гардидаанд.

.