Дар санаҳои 29.04.2023 ва 30.04.2023 устодони кафедраи ботаника ва дендрологияи факултети биологияи ДМТ дар мувофиқаи садорат ва датсгирии и.в. декани факултет Кароматуллои Қурбонали, бо роҳбарии мудири кафедра Бобокалонов Ҷ,М. ва профессор Сатторов Р.Б., инчунин ассистентон Бобоев Ҷ.А., Абдуғафури С. ва доктор Phd-и кафедра Ёров К. барои омӯзиши набототи болооби дарёи Зарафшон, сафар намуданд. Ҳангоми гузаронидани таҳқиқоти илмӣ растаниҳои аввалибаҳориро ҷамъоварӣ намуданд. Хотирасон бояд кард, ки растаниҳои гербарияшуда аз минтақаҳои гуногуни қаторкӯҳи Зарафшон, аз гирду атрофи деҳаҳои Шамтуч, Дарғ, Каздон, Вешаб, Утоғар, Шаватки Боло, Шаватки Поён, Фатмовут, Похут, Рарз, Гузари Бод, Фатмев, Путхин, Томин, Зоосун ва Сангистон ҷамъоварӣ гардиданд. Мақсади сафари хизматии устодони кафедраи ботаника омӯзиши набототи нодири болооби руди Зарафшон ба ҳисоб рафта, барои рушди фанни ботаника ҳиссагузор хоҳад буд. Ҳангоми сафари хизматӣ устодан тақрибан 90 намуди растаниҳои таркиби флораи қаторкӯҳи Зарафшонро гербария намуданд, ки ин маводест барои боз пурратар намудани коллексияи гербарияи кафедраи ботаника ва дендрология наззаррас мебошад.
